გრიგოლ გეგელია - ერთპარტიულ პარლამენტში 1 ალეკო იჯდება, 3 თუ 7 ალეკო, მან თავისი თავი სრულად ამოწურა - როგორც ჩანს, მოსახლეობის 52%-ის მიერ არჩეული აბსოლუტური უმრავლესობა იქნება გარეთ

ერთპარტიულ პარლამენტში ერთი ალეკო იჯდება, სამი ალეკო თუ შვიდი ალეკო, მან თავისი თავი სრულად ამოწურა, - ამის შესახებ „ლელო საქართველოსთვის“ ერთ-ერთმა ლიდერმა, გრიგოლ გეგელიამ “პალიტრანიუსის“ გადაცემაში „ნიუსრუმი“ „მოქალაქეების“ პარლამენტში შესვლაზე საუბრისას განაცხადა.

მისი თქმით, ერთპარტიულ პარლამენტში მნიშვნელობა არ აქვს ციფრებს, მნიშვნელობა აქვს ხარისხს.

“იქ ერთი ალეკო იჯდება, სამი ალეკო თუ შვიდი ალეკო, მან თავისი თავი სრულად ამოწურა და თქვა მისი პოლიტიკური შინაარსი, საკმარისია მოვისმინოთ საზოგადოების აზრი, რომ მივხვდეთ რაც არის ვერდიქტი. ნეტავი გვყავდეს კარგი ოპოზიცია პარლამენტში, ჩვენც ეს გვინდა კვლავ, რომ იქ იყოს პრინციპული ოპოზიცია, მაგრამ ეს ვერ მივიღეთ. როგორც ჩანს, მოსახლეობის 52%-ის მიერ არჩეული აბსოლუტური უმრავლესობა იქნება გარეთ“, - აღნიშნა გრიგოლ გეგელიამ.

გეგელია ევროპარლამენტარ ვიოლა ფონ კრამონის განცხადებასაც გამოეხმაურა, რომლის მიხედვით „2021 წელს ხალხის ქუჩაში გამოყვანის დრო არ არის“. გრიგოლ გეგელიას თქმით, ევროპარლამენტარების განცხადებები არავინ არ უნდა აღიქვას როგორც „ქართული ოცნების“ მხარდაჭერა.

“პირადად ჩემთვის ევროპარლამენტარების განცხადებები არც ერთი წუთით გასაკვირი არ ყოფილა, მათ ინსტიტუციური პრიორიტეტები გააჩნიათ და ვერავის მოუწოდებენ პოლიტიკური პროცესი ინსტიტუციებს გასცდეს. არაერთ მათგანთან წლების განმავლობაში პირადი საუბრები მქონია, შემიძლია ვთქვა, რომ ვიცნობ მათ პრიორიტეტებს და რა აზრის არიან ისინი „ქართულ ოცნებაზე“. ამიტომ, არავინ არ უნდა აღიქვას ეს როგორც „ოცნების“ მხარდაჭერა, ეს არის ინსტიტუციონალიზმის მხარდაჭერა. მგონია, რომ პოლიტიკური პროცესი შეიძენს ბევრ ფორმას, იქნება მშვიდობიანი მაგრამ ძალიან მყარი და პრინციპული. დასავლური აზრიც ამავე დროს იცვლება“, - განაცხადა გრიგოლ გეგელიამ.

იხილეთ ვიდეო

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი