რუსეთის სასამართლომ ალექსეი ნავალნის მეუღლე 20 000 რუსული რუბლით (265 აშშ დოლარი) დააჯარიმა, - ამის შესახებ ინფორმაციას Reuters- ავრცელებს.
სააგენტოს ცნობით, იულია ნავალნაია კვირას გამართულ არასანქცირებულ საპროტესტო აქციაში მონაწილეობისთვის დააჯარიმეს.
შეგახსენებთ, გუშინ რუსეთის ათობით ქალაქში ალექსეი ნავალნის გათავისუფლების მოთხოვნით საპროტესტო აქციები გაიმართა, რომლის დროსაც სამართალდამცავებმა 5 000-ზე მეტი ადამიანი დააკავეს. დაკავებულებს შორის ალექსეი ნავალნის მეუღლეც იყო, რომელიც მოგვიანებით გაათავისუფლეს.