გერმანიის ჯანდაცვის მინისტრის, იენს შპანის განცხადებით, მზადაა, კორონავირუსის საწინააღმდეგო რუსული და ჩინური ვაქცინების გამოყენებას დათანხმდეს იმ შემთხვევაში, თუკი ევროკავშირის მარეგულირებლები მათ დაამტკიცებენ. The Guardian-ის ინფორმაციით, გერმანიის ჯანდაცვის უწყების ხელმძღვანელმა Frankfurter Allgemeine Sonntagszeiting-სთან ინტერვიუში აღნიშნა, რომ შესაძლოა, აღნიშნული ვაქცინები ქვეყანას პანდემიის დაძლევაში დაეხმაროს. ამასთან, ბავარიის რეგიონის ლიდერმა მარკუს სოდერმა განაცხადა, რომ გერმანიამ რუსული Sputnik V-სა და ჩინური ვაქცინის დამტკიცების საკითხი უნდა განიხილოს.
ცნობისათვის, დღეს გერმანიის კანცლერი ანგელა მერკელი 16 რეგიონის ხელმძღვანელებთან შეხვედრას გამართავს, სადაც ქვეყნის ვაქცინაციის პროგრამის გაუმჯობესების საკითხს განიხილავენ.