ისრაელში ვაქცინირებულ 715 000-ზე მეტ ადამიანს შორის კორონავირუსით 317 პირი დაინფიცირდა. ამ ინფორმაციას ქვეყნის ჯანდაცვის სამინისტრო ავრცელებს.

მათი თქმით, ვაქცინაციიდან ერთ კვირაში კორონავირუსი მოქალაქეთა 0,04 პროცენტს აღმოაჩნდა, მათ შორის საავადმყოფოში მხოლოდ 16 მოხვდა.

ისრაელში ვაქცინაცია მსოფლიოში ყველაზე სწრაფი ტემპით მიმდინარეობს. Bloomberg-ის ბოლო მონაცემების მიხედვით, ქვეყანაში ვაქცინაცია 4.8 მილიონ ადამიანს ჩაუტარდა, რაც მთლიანი მოსახლეობის 53.5%-ს შეადგენს.