ისრაელმა და კოსოვომ დიპლომატიური ურთიერთობები დაამყარეს. ქვეყნების საგარეო საქმეთა მინისტრებს შორის შეთანხმების ხელმოწერის ცერემონია პლატფორმა Zoom-ის მეშვეობით გაიმართა.

ამასთან ცნობილი გახდა, რომ კოსოვო იერუსალიმს ისრაელის დედაქალაქად აღიარებს და უახლოეს მომავალში საელჩოს გახსნის. იერუსალიმში ისრაელის საელჩო აქამდე მხოლოდ აშშ-სა და გვატემალას ჰქონდათ.

მხარეებს შორის დიპლომატიური ურთიერთობის დამყარების ინიციატივით გასულ წელს დონალდ ტრამპი გამოვიდა. ტრამპის შუამავლობის შედეგად 2020 წელს ისრაელთა დიპლომატიური ურთიერთობა არაბული ლიგის ქვეყნებმა - ბაჰრეინმა, არაბთა გაერთიანებულმა საამიროებმა, სუდანმა და მაროკომ დაამყარეს.