„ევროპული საქართველოს“ ახალგაზრდული ფრთის წევრებმა პარლამენტთან ქაღალდისგან დამზადებული ჯიხური მიიტანეს წარწერებით: “მანდატები იაფად", "გია ვოლსკის სადღეგრძელოები 2 ლარად"

საქართველოს პარლამენტის უკანა შესასვლელთან „ევროპული საქართველოს“ ახალგაზრდული ორგანიზაციის წევრები აქცია-პერფორმანსს მართავენ. მათ ადგილზე ქაღალდისგან დამზადებული ჯიხური აქვთ მოტანილი, სადაც მათ მიერ დამზადებულ “საპარლამენტო მანდატებს” სიმბოლურ ფასად ყიდიან. აქციის წევრებს ჯიხურში პარლამენტის დეპუტატების ფოტოები და წარწერები აქვთ გამოკრული, მაგალითად: "მანდატები იაფად", "გია ვოლსკის სადღეგრძელოები 2 ლარად" და სხვა.

აქტივისტების განცხადებით, დღევანდელ პარლამენტში შესვლა ღალატის ტოლფასია და საპარლამენტო მანდატები ხალხის ნებას არ წარმოადგენს.

“დღევანდელი აქცია-პერფორმანსი ემსახურება გაყალბებულ არჩევნებს, დღეს არის საგაზაფხულო სესიის პირველი სხდომა და ეს კლოუნადა რომელიც ხდება საქართველოს პარლამენტში, ასახავს ქვეყანაში არსებულ რეალობას. ალეკო ელისაშვილიც და სხვა დეპუტატებიც, რომლებიც პარლამენტში შევლენ ოპოზიციური სპექტრიდან, ყველას ადგილი იქნება ნაგვის ურნაში. ეს მანდატები იყიდება სიმბოლურ ფასად, ისინი ხალხის ნებას არ წარმოადგენს და არის უბრალო ქაღალდები, რომელსაც არანაირი დანიშნულება არ აქვს“, - აღნიშნა „ევროპული საქართველოს“ ახალგაზრდული ორგანიზაციის წარმომადგენელმა, ცოტნე ვადაჭკორიამ.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 03.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
იურიდიული პირები პროკრედიტ ბანკში ანგარიშებს დისტანციურად გახსნიან