დიმიტრი პესკოვი - კრემლი ელოდება, რომ ევროპული დიპლომატია სისულელეს არ ჩაიდენს და რუსეთსა და ევროკავშირს შორის ურთიერთობების მომავალს ნავალნის არ დაუკავშირებს

კრემლი ელოდება, რომ ევროპული დიპლომატია სისულელეს არ ჩაიდენს და რუსეთსა და ევროკავშირს შორის ურთიერთობების მომავალს ალექსეი ნავალნის არ დაუკავშირებს,- რუსული მედიის ინფორმაციით, ამის შესახებ კრემლის პრესსპიკერმა დიმიტრი პესკოვმა განაცხადა.

„იმედი გვაქვს, რომ ისეთი სისულელის ჩადენა, როგორიც რუსეთ-ევროკავშირის ურთიერთობების პერსპექტივის პატიმრის საქმესთან დაკავშირებაა, არ მოხდება,“- აღნიშნა პესკოვმა, რითაც ის საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის ჟოზეფ ბორელის რუსეთში დაგეგმილ ვიზიტს გამოეხმაურა.

პესკოვმა ხაზი გაუსვა, რომ მოსკოვი ჟოზეფ ბორელთან შეხვედრას ელოდება და ევროკავშირთან ურთიერთობების ნორმალიზებით დაინტერესებულია.

„რუსეთსა და ევროკავშირს შორის ურთიერთობები, სრულიად დაუმსახურებლად და გაუმართლებლად გაყინვის ეტაპზეა. რა თქმა უნდა, მოსკოვი ურთიერთობების ნორმალიზებით დაინტერესებულია. ჩვენ მზად ვართ ამისათვის ყველაფერი გავაკეთოთ,“- აღნიშნა პესკოვმა.

რუსული მედიის ინფორმაციით, ჟოზეფ ბორელი მოსკოვს 4 - 6 თებერვალს ეწვევა. ვიზიტის ფარგლებში ის რუსეთის საგარეო საქმეთა მინისტრ სერგეი ლავროვთან შეხვედრის გამართვასა და ორმხრივი ურთიერთობების, პანდემიასთან ბრძოლის, ირანთან გაფორმებული ბირთვული შეთანხმებისა და ნავალნის დაპატიმრებასთან დაკავშირებული საკითხების განხილვას გეგმავს.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა