რუსეთის პოლიციამ კრემლის კრიტიკოსის, ალექსეი ნავალნის მხარდასაჭერად სხვადასხვა ქალაქში შეკრებილი მოქალაქეებისგან 1 377 ადამიანი დააკავა, - შესაბამის მონაცემებს OVD-Info აქვეყნებს.
ორგანიზაციის ინფორმაციით, ყველაზე მეტი, 1 116 პირი, მოსკოვში დააკავეს. დედაქალაქში დაკავებები გუშინ დილიდანვე დაიწყო, რადგან მოსკოვის საქალაქო სასამართლოსთან მოქალაქეები შეკრებას ჯერ კიდევ პროცესის დაწყებამდე ცდილობდნენ.
მოსკოვის საქალაქო სასამართლომ ალექსეი ნავალნის „ივ-როშეს“ საქმესთან დაკავშირებით პირობითი სასჯელი რეალურით შეუცვალა და 3 წლითა და 6 თვით თავისუფლების აღკვეთა მიუსაჯა. თუმცა, ადვოკატების განმარტებით, იმის გამო, რომ მან შინაპატიმრობაში გარკვეული დრო გაატარა, ნავალნის ციხეში, რეალურად, 2 წლისა და 8 თვის გატარება მოუწევს. ადვოკატები აცხადებენ, რომ ისინი განაჩენის გასაჩივრებას გეგმავენ. შეერთებულმა შტატებმა, ბრიტანეთმა, გერმანიამ და ევროკავშირმა მოსკოვს ნავალნის დაუყოვნებლივ გათავისუფლებისკენ მოუწოდეს.