თუ გამოძიების პრეტენზიის საპირისპიროდ არგუმენტირებული პასუხი გააჩნია, ვერც გვარამიას მოკიდებს ვერავინ ხელს და ვერც ნებისმიერ სხვას, - ამის შესახებ პარლამენტის პირველმა ვიცე- სპიკერმა გია ვოლსკიმ განაცხადა, რითაც ნიკა გვარამიას წინააღმდეგ მიმდინარე სასამართლო პროცესთან დაკავშირებით დასმულ კითხვას უპასუხა.
მისი თქმით, დღეს საქართველოში იმისგან განსხვავებული ვითარებაა, რაც იმ დროს იყო, როცა გვარამია მნიშვნელოვან სახელმწიფო სტრუქტურას ხელმძღვანელობდა.
"არგუმენტები არ აქვს გვარამიას და ამბობს, რომ ვინც მას უპირისპირდება ყველას ციხეში გაუშვებს, ესეთი პოლიტიკა და მმართველობა ჰქონდათ, რომ ვინც არ აწყობდათ, ყველა ციხეში მიდიოდა, არგუმენტებსაც არავინ უყურებდა და თუ ახლა გამოძიებას რაიმე პრეტენზია აქვს და ამ პრეტენზიის საპირისპიროდ არგუმენტირებული პასუხი გააჩნია, ვერც გვარამიას მოკიდებს ვერავინ ხელს და ვერც ნებისმიერ სხვას, ეს არის ის ფაქტი, რაც განასხვავებს დღევანდელ ვითარებას საქართველოში იმ ვითარებისგან, როცა გვარამია მართავდა სერიოზულ სახელმწიფო სტრუქტურებს საქართველოში,"- განაცხადა ვოლსკიმ.