ჩეხეთში კორონავირუსის შემთხვევებმა მილიონს გადააჭარბა. ქვეყანაში ბოლო 24 საათის განმავლობასი კორონავირუსი კიდევ 9 057 ადამიანს დაუდასტურდა და ინფიცირებულთა რაოდენობამ ჯამში 1 003 657 შეადგინა. ამასთან, ბოლო დღე-ღამის განმავლობაში ჩეხეთში კორონავირუსით კიდევ 76 ადამიანი დაიღუპა და მსხვერპლის რიცხვმა 16 683-ს მიაღწია.
აღსანიშნავია, რომ ჩეხეთში სულ 10.7 მილიონი ადამიანი ცხოვრობს, შესაბამისად კორონავირუსით ქვეყანაში თითქმის ყოველი მე-10 ადამიანი დაინფიცირდა. ჩეხეთში საგანგებო მდგომაროებაა გამოცხადებული, ბოლო რამდენიმე თვეა საავადმყოფოებში საწოლების დეფიციტია შექმნილი.
Bloomberg-ის მიხედვით ქვეყანაში ვაქცინაცია 280 000 ადამიანს ჩაუტარდა.