მე-9 მოწვევის პარლამენტში არ არსებობს ოპოზიციის მხრიდან განხორციელებული რაიმე ცვლილება და ეს ჩემთვის სასწაულია, დღეს გავიგე ეს ამბავი, - ამის შესახებ ჟურნალისტებს „ევროპელი სოციალისტების“ ლიდერმა დავით ზილფიმიანმა ჟურნალისტებს განუცხადა, რითაც შეაფასა პარლამენტის თავმჯდომარის ანგარიში.
მისი თქმით, მე-9 მოწვევის პარლამენტი კრიტიკიკას ვერ უძლებს.
„წარმოგიდგენიათ, მე-9 მოწვევის პარლამენტში არც ერთი საკანონმდებლო ინიციატივა ოპოზიციის მხრიდან ბოლომდე არ მისულა. ანუ არ არსებობს ოპოზიციის მხრიდან განხორციელებული რაიმე ცვლილება და ეს ჩემთვის სასწაულია, დღეს გავიგე ეს ამბავი. მე რაც სხდომაზე გავიგე, ის ვთქვი ახლა. რეალურად დრო იმაზე კი არ იხარჯებოდა, რომ კანონი ბოლომდე შესრულებულიყო და რაღაც განეხორციელებინა თუნდაც ოპოზიციას, დრო იხარჯებოდა იმაზე, რომ ერთმანეთისთვის ტალახი ესროლათ, ერთმანეთი გაელანძღათ“, - განაცხადა ზილფიმიანმა.