კორონავირუსის კრიზისის ფონზე, გერმანელი სამხედრო ექიმები ლისაბონში დასახმარებლად ჩავიდნენ.
ამასთან, პორტუგალიაში სამედიცინო ინვენტარი ჩაიტანეს, მათ შორის საავადმყოფოს 150 საწოლი და 50 სასუნთქი აპარატი.
„როიტერის“ ინფორმაციით, სამხედრო თვითმფრინავმა ქვეყანაში 26 ექიმი, ექთანი და სანიტარული ექსპერტი ჩაიყვანა. გერმანელი ექიმების გუნდი პორტუგალიაში სამი კვირის განმავლობაში დარჩება.
როგორც „როიტერი“ იტყობინება, პორტუგალიის მასშტაბით მდებარე საავადმყოფოები გადაჭედილია და სამედიცინო სისტემა კოლაფსის პირას არის. ზოგჯერ სასწრაფო დახმარების მანქანები საათობით რიგში იცდიან საწოლების დეფიციტის გამო.