აშშ-მა და რუსეთმა სტრატეგიული შეიარაღების შემცირების შესახებ ხელშეკრულება გაახანგრძლივეს

შეერთებულმა შტატებმა და რუსეთმა სტრატეგიული შეიარაღების შემცირების შესახებ ხელშეკრულება (New Start ) 5 წლით გაახანგრძლივეს, - ინფორმაციას BBC-ი ავრცელებს.

რუსეთის საგარეო სამინისტრომ განცხადება გაავრცელა, სადაც აღნიშნულია, ხელშეკრულების ვადის გახანგრძლივების შესახებ შეთანხმება ძალაში ოთხშაბათს, აშშ-ის საელჩოსთან დიპლომატიური ნოტების გაცვლის შემდეგ შევიდა.

აშშ-ის სახელმწიფო მდივანმა ენტონი ბლინკენმა განაცხადა, რომ ხელშეკრულების გაგრძელებით მსოფლიო უფრო უსაფრთხო გახდა.

„New START-ის 5 წლით გახანგრძლივებამ აშშ და მსოფლიო უფრო უსაფრთხო გახადა,“- წერს ბლინკენი „ტვიტერში“.

გავრცელებული ინფორმაციით, ხელშეკრულების გახანგრძლივების საკითხი აშშ-სა და რუსეთის პრეზიდენტებმა, ჯო ბაიდენმა და ვლადიმერ პუტინმა რამდენიმე დღის წინ გამართული სატელეფონო საუბრისას განიხილეს.

ხელშეკრულების ვადა 5 თებერვალს იწურებოდა, ვინაიდან დონალდ ტრამპის ადმინისტრაცია მის გაგრძელებაზე უარს აცხადებდა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს