აშშ-ში, გასული დღე-ღამის განმავლობაში, კორონავირუსის 119 235 ახალი შემთხვევა დადასტურდა და ინფიცირებულთა საერთო რაოდენობა 26 554 794-მდე გაიზარდა, - ამის შესახებ ინფორმაციას CNN-ი ჯონს ჰოპკინსის უნივერსიტეტზე დაყრდნობით ავრცელებს. მათივე ინფორმაციით, ბოლო 24 საათში ვირუსს კიდევ 3 796 პაციენტის სიცოცხლე ემსხვერპლა და დაღუპულთა რიცხვმა, საერთო ჯამში, 450 681 -ს მიაღწია.
აშშ-ის დაავადებათა კონტროლისა და პრევენციის ცენტრის ინფორმაციით, ქვეყანაში დღემდე კორონავირუსის საწინააღმდეგო ვაქცინების 55 943 800 დოზაა განაწილებული, აქედან მოქალაქეების ასაცრელად 33 878 254 დოზაა გამოყენებული.
იხილეთ ვიდეო:აშშ-ში კორონავირუსის 119 235 ახალი შემთხვევა გამოვლინდა და 3 796 ადამიანი გარდაიცვალა