შეცვლიან თუ არა რესტორნები 6 თებერვალს თვითნებურად გახსნის გადაწყვეტილებას, ხვალ გახდება ცნობილი
შეცვლიან თუ არა რესტორნები 6 თებერვალს თვითნებურად გახსნის გადაწყვეტილებას, ხვალ გახდება ცნობილი.
როგორც „ინტერპრესნიუსს“ რესტორატორთა ასოციაციის დამფუძნებელმა, შოთა ბურჯანაძემ განუცხადა, დღეს საღამოს სამუშაო შეხვედრას გამართავენ და გადაწყვეტილებას სწორედ ამ შეხვედრაზე მიიღებენ.
„საღამოს შეიკრიბება საორგანიზაციო საბჭო, განვიხილავთ საკითხს და მივიღებთ გადაწყვეტილებას. ხვალ, 11:30-ზე მექნება ბრიფინგი, სადაც დეტალებზე ვისაუბრებ“, - განაცხადა შოთა ბურჯანაძემ.
ცნობისთვის, მთავრობის გადაწყვეტილებით,15 თებერვლიდან კვების ობიექტები და რესტორნები ღია სივრცეში განაახლებენ ფუნქციონირებას. აღნიშნული გადაწყვეტილების გასაჯაროვებამდე რესტორნები 6 თებერვალს თვითნებურად გახსნას აანონსებდნენ.
