ნიკოლოზ სამხარაძე საფრანგეთის რესპუბლიკის ელჩს შეხვდა

საგარეო ურთიერთობათა კომიტეტის თავმჯდომარე, ნიკოლოზ სამხარაძე, მის პირველ მოადგილე გიორგი ხელაშვილთან ერთად, საფრანგეთის რესპუბლიკის ელჩს საქართველოში დიეგო კოლას შეხვდა.

მხარეებმა, ორ ქვეყანას შორის არსებული ურთიერთობების კიდევ უფრო გაძლიერებაზე და სამომავლო თანამშრომლობის პერსპექტივებზე ისაუბრეს, მათ შორის, დიმიტრი ამილახვარის სახელობის ქართულ-ფრანგული დიალოგის ფარგლებში, საპარლამენტო განზომილების შექმნაზე.

როგორც პარლამენტის აპარატის მიერ გავრცელებულ ინფორმაციაშია ნათქვამი, საუბარი ასევე, შეეხო ოკუპირებულ რეგიონებში არსებულ ვითარებას, საქართველოს ევროკავშირში გაწევრიანების და ნატო-ში ინტეგრაციის საკითხებს, საქართველოს პარლამენტის მიერ მიღებულ რეზოლუციას საგარეო პოლიტიკის შესახებ.

„მადლობა გადავუხადეთ საფრანგეთს არა მხოლოდ ჩვენი ქვეყნის ტერიტორიული მთლიანობის მხარდაჭერისთვის, არამედ, იმისთვის, რომ ისინი ჩვენთან ერთად, საკმაოდ აქტიურად მუშაობენ არაღიარების პოლიტიკის მხარდასაჭერად მსოფლიოს სხვადასხვა რეგიონში“, - განაცხადა ნიკოლოზ სამხარაძემ.

შეხვედრისას, სამხრეთ კავკასიის რეგიონში მიმდინარე პროცესები, მთიანი ყარაბაღის გარშემო ბოლო პერიოდში განვითარებული მოვლენები და ზოგადად, რეგიონის უსაფრთხოების საკითხები მიმოიხილეს.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს