კრემლის პრესსპიკერი დიმიტრი პესკოვი არასანქცირებული საპროტესტო აქციების დროს განხორციელებული დაკავებების რეპრესიებად შეფასებას არ ეთანხმება.

„ეს არ არის რეპრესიები, ეს არის მხოლოდ პოლიციის მიერ მიღებული ზომები კანონის დამრღვევების მიმართ - არასანქცირებული მიტინგების მონაწილეების მიმართ. ეს რეპრესიები არ არის, ვერ დავეთანხმები ასეთ ზედმეტად ემოციურ შეფასებას, “- განაცხადა პესკოვმა.

მისი თქმით, აქციის დროს დაკავებული მოქალაქეების ნაწილი პროვოკატორების მსხვერპლი გახდა.

„ზოგიერთმა მათგანმა ნებით, ზოგმა კი - გახდნენ რა იმ პროვოკატორების მსხვერპლები, რომლებიც უკანონო საპროტესტო აქციებში მონაწილეობის მიღების შესახებ ყველანაირ მოწოდებას ავრცელებდნენ, მონაწილეობა მიიღეს და პოლიციამ დააკავა,“- განაცხადა პესკოვმა.

შეგახსენებთ, ოპოზიციონერი პოლიტიკოსის, ალექსეი ნავალნის დაკავებას რუსეთში საპროტესტო აქციები მოჰყვა, რომლის დროსაც სამართალდამცავებმა ათასობით ადამიანი დააკავეს. დასავლეთი რუსეთს დაკავებულების დაუყოვნებლივ გათავისუფლებისკენ მოუწოდებს.