კრემლის პრესსპიკერი დიმიტრი პესკოვი აცხადებს, რომ ჯო ბაიდენის მოთხოვნა, ალექსეი ნავალნის გათავისუფლებასთან დაკავშირებით, აგრესიული და არაკონსტრუქციული რიტორიკაა.

„ეს ძალიან აგრესიული და არაკონსტრუქციული რიტორიკაა, ჩვენდა სამწუხაროდ. ულტიმატუმის ტონი ჩვენთვის, ზოგადად, მიუღებელია,“- განაცხადა პესკოვმა.

შეგახსენებთ, აშშ-ის პრეზიდენტმა რუსეთი ალექსეი ნავალნის დაპატიმრების გამო გააკრიტიკა და აღნიშნა, რომ ნავალნი დაუყოვნებლივ უნდა გათავისუფლდეს. „ალექსეი ნავალნი კორუფციის ფაქტების გამჟღავნების გამო გახდა სამიზნე. ის დაუყოვნებლივ და უპირობოდ უნდა გათავისუფლდეს,“- აღნიშნა ბაიდენმა.