საგარეო პოლიტიკისა და უსაფრთხოების საკითხებში ევროკავშირის უმაღლესი კომისარი ჟოზეფ ბორელი მოსკოვში მისი ვიზიტის პარალელურად, რუსეთის მიერ სამი ევროპელი დიპლომატის გაძევების ფაქტს ეხმაურება.

ევროკავშირის დიპლომატიური მისიის ხელმძღვანელი რუსეთის გადაწყვეტილებას გმობს და მოსკოვს მოუწოდებს, გადახედოს დიპლომატების გაძევების გადაწყვეტილებას. ამის შესახებ რუსული მედია ევროკავშირის საგარეო პოლიტიკური სამსახურის წარმომადგენელზე პიტერ სტანოზე დაყრდნობით იუწყება.

„რუსეთის საგარეო საქმეთა მინისტრთან სერგეი ლავროვთან შეხვედრისას, უმაღლესმა კომისარმა შეიტყო, რომ სამი ევროპელი დიპლომატი იქნება რუსეთიდან გაძევებული. მან დაგმო აღნიშნული გადაწყვეტილება და უარყო ბრალდება იმის შესახებ, რომ ისინი მონაწილეობდნენ იმ ღონისძიებაში, რომელიც შეთავსებულია მათ სტატუსთან. აუცილებელია გადაწყვეტილების გადახედვა“, - განაცხადა სტანომ.

მისი თქმით, ჟოზეფ ბორელიმ სოლიდარობა გამოუცხადა იმ ქვეყნებს, ვისაც შეეხო აღნიშნული გადაწყვეტილება.