აშშ-ის პრეზიდენტი ჯო ბაიდენი მიიჩნევს, რომ მის წინამორბედს, დონალდ ტრამპს, თავისი მერყევი ქცევის გამო, საიდუმლო ინფორმაციაზე წვდომა არ უნდა ჰქონდეს. CBS News-ის კითხვაზე, უნდა მიაწოდონ თუ არა დონალდ ტრამპს ინფორმაცია ეროვნული უსაფრთხოების საკითხებთან დაკავშირებულ საკითხებზე, ბაიდენმა უპასუხა, რომ მისი აზრით, ტრამპს ასეთ ინფორმაციაზე წვდომა არ უნდა ჰქონდეს.

„მე არ ვფიქრობ, რომ მისთვის სადაზვერვო ბრიფინგებზე წვდომის საჭიროება არსებობს. რა მნიშვნელობა აქვს ამას მისთვის? რა გავლენა აქვს მას საერთოდ, გარდა იმისა, რომ შეიძლება რამე წამოცდეს და თქვას? "- აღნიშნა ბაიდენმა.

აშშ-ს აქვს ტრადიცია, რომელიც ყოფილ პრეზიდენტებს საშუალებას აძლევს ქვეყნის უსაფრთხოების საკითხებზე ინფორმაცია მიიღონ. New York Times– ი წერს, რომ ჯო ბაიდენის ეს ნაბიჯი პირველი შემთხვევაა, როდესაც ყოფილ პრეზიდენტს სადაზვერვო ბრიფინგებზე წვდომის საშუალება არ ექნება.