ევროკავშირის უმაღლესი კომისარი საგარეო პოლიტიკისა და უსაფრთხოების საკითხებში ჟოზეფ ბორელი რუსეთთან დიალოგის მნიშვნელობაზე ყურადღებას ამახვილებს.
„დიპლომატიური არხები ღია უნდა დარჩეს“, - განაცხადა ბორელიმ მოსკოვში ვიზიტის შემდეგ.
მისივე თქმით, ეს აუცილებელია არა მხოლოდ კრიზისების ან გახმაურებული ინციდენტების შემთხვევაში დაძაბულობის შესამცირებლად, არამედ რუსეთთან კომუნიკაციისთვის, მათ შორის „მკაცრი და სამართლიანი“ გზავნილების გადასაცემად, განსაკუთრებით იმ დროს, როდესაც „ურთიერთობები არ არის დამაკმაყოფილებელი“.