აშშ-ს პრეზიდენტის ჯო ბაიდენის ადმინისტრაციამ გადაწყვიტა სალვადორთან, ჰონდურასთან და გვატემალასთან თავშესაფრის საკითხებზე შეთანხმება დაუყოვნებლივ შეაჩეროს.
დონალდ ტრამპის მმართველობისას 2019 წელს ინიცირებული ე.წ. ”უსაფრთხო მესამე ქვეყნის” შეთანხმებების თანახმად, ადამიანები, რომლებიც თავშესაფრის მიღების იმედით ცენტრალური ამერიკის რეგიონიდან მექსიკისა და შეერთებული შტატების საზღვარზე მიდიოდნენ, ამ სამიდან ერთ-ერთ ქვეყანაში უნდა გაეგზავნათ.
აშშ-ის სახელმწიფო მდივანი ენტონი ბლინკენი აცხადებს, რომ ამ რეგიონის ქვეყნებთან თანამშრომლობის უფრო მისაღები გზები არსებობს მიგრაციის რეგულირების საკითხებში. მან აქვე აღნიშნა, რომ ეს არ ნიშნავს აშშ-ის საზღვრების გახსნას. "ჩვენ მზად ვართ გავაუმჯობესოთ იურიდიული გზები რეგიონში დაცვის და შესაძლებლობების მოსაპოვებლად, მაგრამ აშშ რჩება სახელმწიფოდ საზღვრებით და კანონებით, რომელთა პატივისცემაც აუცილებელია, - განაცხადა ბლინკენმა.