ირანის უზენაესმა ლიდერმა აიათოლა ალი ხამენეიმ განაცხადა, რომ შეერთებულმა შტატებმა ყველა სანქცია უნდა მოხსნას, თუ ვაშინგტონს სურს, რომ თეირანმა ბირთვული მიმართულებით ნაბიჯები შეცვალოს.

”ირანმა შეასრულა 2015 წლის ბირთვული შეთანხმებით გათვალისწინებული ყველა ვალდებულება და არა შეერთებულმა შტატებმა და სამმა ევროპულმა ქვეყანამ. თუ მათ სურთ ირანი დაუბრუნდეს თავის ვალდებულებებს, ჯერ შეერთებულმა შტატებმა პრაქტიკულად უნდა მოხსნას ყველა სანქცია და არა მხოლოდ სიტყვიერად. მას შემდეგ, რაც დადასტურდება, რომ ყველა სანქცია სწორად არის მოხსნილი, ჩვენ დავუბრუნდებით ყველა წესის დაცვით“, - განაცხადა ხამენეიმ სატელევიზიო მიმართვისას.

მისივე თქმით, ეს შეუქცევადი და საბოლოო გადაწყვეტილებაა და ირანის ყველა ოფიციალურ პირს აქვს ამაზე კონსენსუსი.