ყარაბაღის ტერიტორიაზე კიდევ ორი სამხედრო მოსამსახურის ცხედარი აღმოაჩინეს, - ამის შესახებ ინფორმაციას სომხური მედია ავრცელებს.
მათივე ინფორმაციით, ცხედრების იდენტიფიცირების მიზნით ექსპერტიზა ჩატარდება.
ბოლო მონაცემებით, მთიანი ყარაბაღის საბრძოლო ზონაში 1 357 ცხედარია აღმოჩენილი.
შეგახსენებთ, მთიან ყარაბაღში საბრძოლო მოქმედებები გასული წლის 27 სექტემბერს დაიწყო და 9 ნოემბერს, რუსეთის შუამდგომლობით გაფორმებული სამმხრივი შეთანხმებით დასრულდა, რომელსაც ხელი აზერბაიჯანისა და რუსეთის პრეზიდენტებმა და სომხეთის პრემიერ-მინისტრმა მოაწერეს. დოკუმენტი, სხვა პირობებთან ერთად, კონფლიქტის მხარეებს შორის დაღუპული სამხედრო მოსამსახურეების გაცვლასაც ითვალისწინებს.