საქართველოს პარლამენტის პირველი ვიცე- სპიკერის გია ვოლსკის განცხადებით, კულტურის მინისტრის თანამდებობაზე თეა წულუკიანის დანიშვნას მხარს დაუჭერს.
მისი თქმით, ამ პოსტზე განათლების კომიტეტის თავმჯდომარის დანიშვნაზე საუბარი არის.
"კი, არის საუბარი, მე მხარს დავუჭერ. თეა წულუკიანი შესანიშნავი მინისტრი იქნება. იყო გარკვეული განცხადებები, რომ კულტურის სფეროში ადამიანის თავისუფალ სიტყვას ჩაახშობს. პირიქით, თუ სადმე თავისუფალი სიტყვა უნდა ითქვას, როგორი პოლიტიკური გემოვნებისაც არ უნდა იყოს კულტურის მუშაკი,ის უნდა იყოს უზრუნველყოფილი, რადგანაც მატარებელია იმ დიდი ძალის, რასაც საქართველოს განსხვავებულობა ჰქვია თავისი კულტურული მემკვიდრეობით და კულტურული სიმდიდრით. ასე, რომ ამ შემთხვევაში ,პოლიტიკურ გემოვნებას მნიშვნელობა არ აქვს და სპეკულაციები, თითქოს რაღაც პოლიტიკური ნიშანი ექნება მის მმართველობას უსაფუძვლო და ყურით მოთრეულია", - განაცხადა ვოლსკიმ.