ირაკლი აბუსერიძე - ჩვენთვის რეესტრის ეს განცხადება მნიშვნელოვანი არ არის, ჩვენ ველოდებით ჩვენს საჩივარზე იურიდიული დეპარტამენტის გადაწყვეტილებას

ირაკლი აბუსერიძე საჯარო რეესტრის ეროვნული სააგენტოს განცხადებას ეხმაურება, რომელმაც მას საქართველოს რაგბის კავშირის პრეზიდენტად რეგისტრაციაზე კვლავ უარი უთხრა.

ირაკლი აბუსერიძის განმარტებით, საჯარო რეესტრის დღევანდელი განცხადება სარეგისტრაციო სამსახურის მიერ მოწერილი ხელახალი პასუხია და მათთვის, მხოლოდ იურიდიული სამსახურის პასუხია მნიშვნელოვანი.

“ჩვენ გვქონდა 30 - დღიანი ვადა, რომ ხარვეზი გამოგვესწორებინა, ეს ხარვეზი გავასაჩივრეთ საჯარო რეესტრში და განიხილა იურიდიულმა სამსახურმა. ჩვენთვის ის არის მნიშვნელოვანი გადაწყვეტილება, ეს იყო სარეგისტრაციო სამსახურის მიერ მოწერილი ხელახალი პასუხი. ჩვენთვის რეესტრის ეს განცხადება მნიშვნელოვანი არ არის, ჩვენ ველოდებით ჩვენს საჩივარზე იურიდიული დეპარტმენტის გადაწყვეტილებას. ხარვეზი არასწორად იყო დადგენილი, სამართლებრივად ჩვენ მყარი საფუძვლები გვაქვს და არანაირი პრობლემა არ არის, უბრალოდ ველოდებით საჯარო რეესტრის იურიდიული განყოფილების გადაწყვეტილებას, სადაც გვქონდა ზეპირი მოსმენა და ჩვენმა იურისტმა საჭირო დოკუმენტაციით და არგუმენტებით განმარტა ყველაფერი“, - აღნიშნა ირაკლი აბუსერიძემ.

შეგახსენებთ, რომ საჯარო რეესტრის ეროვნულმა სააგენტომ ირაკლი აბუსერიძეს რაგბის კავშირის პრეზიდენტად რეგისტრაციაზე კვლავ უარი უთხრა. სააგენტოს განმარტებით, უარის თქმის მიზეზი ისაა, რომ არც პრეზიდენტობის და არც გამგეობის წევრობის კანდიდატებს წესდებით მოთხოვნილი ხმების რაოდენობა არ მიუღიათ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა