საფრანგეთის სამხრეთ-დასავლეთ ნაწილში კოკისპირული წვიმების შედეგად ძლიერი წყალდიდობაა. ყველაზე მეტად დაზარალდა ზღვისპირა შარანტას დეპარტამენტის ქალაქი სენტი, სადაც მდინარე შარანტაში წყლის დონემ მნიშვნელოვნად იმატა და ახლომდებარე დასახლებები დატბორა.
სტიქიის გამო ასობით ადამიანის ევაკუაცია განხორციელდა. ადგილობრივი ხელისუფება მოქალაქეებს დატბორილი სახლების დატოვებაში დაეხმარა.
სახანძრო სამსახურში აცხადებენ, რომ სენტში მათი დახმარებით 400-მდე ადამიანის ევაკუაცია განხორციელდა, ხოლო კიდევ 800-მა ადამიანმა საკუთარი ძალებით დატოვა სახლები. საფრანგეთის მეტეოროლოგიურმა სამსახურმა 7 დეპარტამენტში წყალდიდობის საფრთხე გამოაცხადა.