მამუკა მდინარაძე წულუკიანის მინისტრობაზე - მოვისმენთ მის პოზიციასაც და შემდეგ იქნება გადაწყვეტილება მიღებული

ფრაქცია „ქართული ოცნების“ თავმჯდომარის მამუკა მდინარაძის განცხადებით, თეა წულუკიანის კულტურის, სპორტისა და ახალგაზრდულ საქმეთა მინისტრად შესაძლო დანიშვნის თაობაზე საბოლოო გადაწყვეტილება ჯერ მიღებული არ არის.

როგორც მან პარტიის ოფისში უმრავლესობის სხდომის დასრულების შემდეგ გამართულ ბრიფინგზე განმარტა, დღევანდელ შეხვედრაზე აღნიშნული საკითხი არ განხილულა, თუმცა, საბოლოო გადაწყვეტილება მასთან და გუნდთან ერთობლივად იქნება მიღებული.

„დღეს ამ თემაზე საუბარი არ ყოფილა, თუმცა იცით, რომ ერთ-ერთი საკითხია, რომელიც განიხილება. ჩვენი გუნდის წევრებმა რადგან დაადასტურეს, მეც იგივეს გავაკეთებ, თუმცა, ამასთან დაკავშირებით საბოლოო გადაწყვეტილება არ არის. ეს დამოკიდებულია თვითონ კონკრეტულ ადამიანზე, შემდეგ გუნდზე. რა თქმა უნდა, მის სურვილზეც, ადამიანის სურვილის საპირისპიროდ რაღაც პოზიციაზე არ უნდა განიხილო. ჯერჯერობით ჩვენ ამ საკითხზე სიღრმისეულად არ გვიმსჯელია, მოვისმენთ მის პოზიციასაც და შემდეგ იქნება გადაწყვეტილება მიღებული“,-განაცხადა მდინარაძემ.

არსებული ინფორმაციით, კულტურის მინისტრად თეა წულუკიანი დაინიშნება.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)