ისრაელმა და საბერძნეთმა ვაქცინირებული მოქალაქეების მოგზაურობასთან დაკავშირებით შეთანხმება გააფორმეს

ისრაელმა და საბერძნეთმა ტურიზმის სფეროში თანამშრომლობასთან დაკავშირებით შეთანხმებას მიაღწიეს, რომელიც მათ ვაქცინირებულ მოქალაქეებს ფრენების განახლებისთანავე ორ ქვეყანას შორის შეზღუდვების გარეშე მოგზაურობის საშუალებას მისცემს.

„შეთანხმება საშუალებას გვაძლევს, ისრაელის ტურისტებს შვებულების საბერძნეთში ყოველგვარი შეზღუდვების გარეშე გატარების შესაძლებლობა მივცეთ. იმედი მაქვს, ისრაელიდან ტურისტებს საბერძნეთში რაც შეიძლება მალე ვუმასპინძლებთ,“- განაცხადა საბერძნეთის პრემიერ- მინისტრმა კირიაკოს მიჩოტაკისმა ისრაელის პრემიერ-მინისტრ ბენიამინ ნეთანიაჰუსთან გამართულ ერთობლივ პრესკონფერენციაზე.

ნეთანიაჰუს თქმით, ბერძენ კოლეგასთან შეხვედრაზე ვაქცინის სერთიფიკატის -"მწვანე პასპორტის"- საკითხი განიხილეს, რომელიც საშუალებას მისცემს ისრაელის ტურისტებს ფრენებზე დაწესებული შეზღუდვების მოხსნისთანავე თავისუფლად იმოგზაურონ საბერძნეთში.

"ყოველგვარი შეზღუდვების გარეშე. არავითარი იზოლაცია“, - აღნიშნა ნეთანიაჰუმ.

ცნობისათვის, ისრაელში, რომლის მოსახლეობა, დაახლოებით, 9 მილიონს შეადგენს, 3.5 მილიონზე მეტი მოქალაქე უკვე აცრილია, საიდანაც 2 მილიონს ვაქცინის ორივე დოზა აქვს გაკეთებული. რაც შეეხება საბერძნეთს, ქვეყანაში, რომლის მოსახლეობა, დაახლოებით, 11 მილიონია, ბოლო მონაცემებით, 360 000 მოქალაქეა აცრილი.

იხილეთ ვიდეო: ისრაელმა და საბერძნეთმა ვაქცინირებული მოქალაქეების მოგზაურობასთან დაკავშირებით შეთანხმება გააფორმეს

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს