„ლელოს“ წევრის ანა ნაცვლიშვილის განცხადებით, ლევან კობერიძესა და „ლელოს“ შორის ხედვებში ტაქტიკური განსხვავება იყო. ამის შესახებ მან ჟურნალისტებს პარტიიდან ლევან კობერიძის წასვლის შესახებ განუცხადა.

„სამწუხაროდ, ჩვენი პარტიული გზები გაიყო, მაგრამ, ვფიქრობ, რომ მიზანი ჩვენ და ლევანსაც, ძალიან ბევრ ადამიანს „ლელოს“ შიგნით და „ლელოს“ გარეთ აქვს ერთი და იგივე. ჩვენ ხედვებში ტაქტიკური განსხვავებები გვქონდა, ეს ხდება პოლიტიკაში. სამწუხაროა, ეს მოვლენა, მაგრამ მინდა, რომ მას საჯაროდაც წარმატები ვუსურვო“, - განაცხადა ანა ნაცვლიშვილმა.

ცნობისთვის, ლევან კობერიძემ პოლიტიკური გაერთიანება „ლელო საქართველოსთვის“ დატოვა. შესაბამისი განცხადება მან გუშინ გააკეთა და აღნიშნა, რომ „ლელოს“ პოლიტიკურ პოზიციებთან თუ ნაბიჯებთან დაკავშირებით გარკვეული განსხვავება ხედვებში ჯერ კიდევ საარჩევნო კამპანიის მიწურულიდან დაიწყო.