საფრანგეთის საელჩომ, ათეა-ს ორი ქვეყნის ქალაქებს შორის დაძმობილების ინიციატივით მიმართა

საქართველოს ადგილობრივ თვითმმართველობათა ეროვნულ ასოციაციას (NALAG), საქართველოში საფრანგეთის საელჩომ, ორი ქვეყნის ქალაქებს შორის დაძმობილების ინიციატივით მიმართა. ამის შესახებ „ინტერპრესნიუსს“ ადგილობრივ თვითმმართველობათა ეროვნულ ასოციაციიდან აცნობეს.

მათივე ინფორმაციით, ათეა, როგორც ქვეყნის 64-ვე მუნიციპალიტეტის გამაერთიანებელი ქოლგა ორგანიზაცია, რომელიც იცავს წევრი მუნიციპალიტეტების ინტერესებს, როგორც ეროვნულ, ისე საერთაშორისო დონეზე, საფრანგეთის საელჩოსთან თანამშრომლობით, ყველა მუნიციპალიტეტს - საფრანგეთისა და საქართველოს ქალაქებს შორის, იურიდიული და სოციალური ხელშეკრულების ფორმით ურთიერთობების ჩამოყალიბებას სთავაზობს.

ათეა-ს აღმასრულებელი დირექტორის მოადგილის- ნათია ღვინაშვილის განცხადებით, აღნიშნული ინიციატივა, ხალხთა შორის მეგობრობის გაღრმავების ხელშეწყობასა და თანამშრომლობას ემსახურება.

„ასეთი თანამშრომლობა, საქმიანობის სხვადასხვა, მათ შორის ტურიზმის, მრეწველობის, კულტურისა თუ სხვა მიმართულებებით პარტნიორობის გაღრმავების საუკეთესო საშუალებაა და იმედს გამოვთქვამ, რომ ქართული მუნიციპალიტეტები აღნიშნულ ინიციატივას შეუერთდებიან“-განაცხადა მან.

საქართველოს ადგილობრივ თვითმმართველობათა ეროვნული ასოციაცია, არაერთი წელია, წარმატებით თანამშრომლობს მრავალ საერთაშორისო ორგანიზაციასთან და ადგილობრივი თვითმმართველობის ევროპულ გაერთიანებებთან. აღნიშნული თანამშრომლობის ფარგლებში, ათეა ხელს უწყობს ადგილობრივი დემოკრატიის განვითარებასა და კვალიფიციური მომსახურების მიწოდებას წევრი მუნიციპალიტეტებისთვის.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი