პარლამენტის იურიდიულ საკითხთა კომიტეტის თავმჯდომარის ანრი ოხანაშვილის განცხადებით, ოპოზიციური პარტიების მხრიდან არის მცდელობები, წარმოაჩინონ, რომ "ქართულ ოცნებაში" რაღაც ხდება. კითხვაზე, “გავრცელებული ინფორმაციით, ირაკლი კობახიძე და გიორგი გახარია ერთმანეთს შეხვდნენ, სადაც კობახიძემ გახარიას გადადგომა მოსთხოვა", ოხანაშვილი პასუხობს, რომ ასეთი საკითხები ღიმილისმომგვრელია.
"ასეთი საკითხები ღიმილისმომგვრელია. მესმის, არის მცდელობები გარკვეული ოპოზიციური პარტიების მხრიდან, სურთ, ისე წარმოაჩინონ, რომ რაღაც ხდება "ქართულ ოცნებაში", მაგრამ საკუთარ პარტიებს მიხედონ. იზრუნონ იმაზე, რომ პარტიული დემოკრატია განავითარონ, იზრუნონ, რომ საკუთარი ამომრჩევლის ინტერესი გამოხატონ. "ქართული ოცნება" არის ძალა, რომელმაც შეძლო და მესამე ვადით გააგრძელა ხელისუფლებაში ყოფნა ჩვენი საზოგადოების მხარდაჭერით. ჩვენ მივუყვებით გზას, რომელიც უკავშირდება, პირველ რიგში, პანდემიას",- განაცხადა ოხანაშვილმა.