ჟოზეფ ბორელი რუსეთს აფრთხილებს, რომ ალექსეი ნავალნის დაპატიმრების გამო შესაძლოა ახალი სანქციების წინაშე აღმოჩნდეს

ევროკავშირის უმაღლესი წარმომადგენელი უსაფრთხოებისა და საგარეო პოლიტიკის საკითხებში ჟოზეფ ბორელი რუსეთს აფრთხილებს, რომ ოპოზიციონერ ალექსეი ნავალნის დაპატიმრების გამო შესაძლოა ახალი სანქციების წინაშე აღმოჩნდეს.

მან ევროპარლამენტში სიტყვით გამოვლისას პრეზიდენტ ვლადიმერ პუტინის ხელისუფლებას უწოდა ულმობელი, ავტორიტარული და რომ დემოკრატიის ეშინია.

აქვე ბორელმა განაცხადა, რომ მოსკოვში მისმა ვიზიტმა გაამყარა შეხედულება იმის შესახებ, რომ რუსეთს სურს დაშორდეს ევროპას და გაყოს დასავლეთი.

„რუსეთის ხელისუფლება შემაშფოთებელი ავტორიტარიზმისკენ მიექანება. როგორც ჩანს, დემოკრატიული ალტერნატივების განვითარების ადგილი იქ თითქმის არ არსებობ. ისინი დაუნდობლები არიან ამგვარი მცდელობების ჩასახშობად. რუსეთი ცდილობს ჩვენს გაყოფას”, - განუცხადა მან ევროპარლამენტს და აღნიშნა, რომ მას სჯერა, კრემლი დემოკრატიას ეგზისტენციალურ საფრთხედ განიხილავს.

ბორელის თქმით, ევროკავშირი იმყოფება რუსეთთან ურთიერთობის გზაჯვარედინზე და მოსკოვთან ურთიერთობის საკითხის განხილვა მოხდება ევროკავშირის მინისტრთა საბჭოს სხდომაზე, რომელიც თებერვალში გაიმართება, ასევე მარტში, ევროპის საბჭოში.

„წევრი ქვეყნები გადაწყვეტენ, როგორი იქნება შემდგომი ნაბიჯები. მე წამოვწევ კონკრეტულ წინადადებებს, ინიციატივის დაყენების უფლების გამოყენებით, როგორც ევროკავშირის უმაღლესი წარმომადგენელი“ , - განაცხადა ბორელმა.

მისი თქმით, ევროკავშირის მხრიდან საჭიროა გადამწყვეტი მოქმედებები დეზინფორმაციის, კიბერთავდასხმის და შესაძლო ჰიბრიდული გამოწვევების წინააღმდეგ. მანვე აღნიშნა, რომ ყველა სირთულის მიუხედავად, „აუცილებელია სივრცის შენარჩუნება ოფიციალური ურთიერთობისთვის, რომელიც ჩვენსავე ინტერესებშია“.

„რუსეთი რჩება ჩვენ ყველაზე დიდ მეზობლად. უნდა ვიპოვოთ საშუალება იმისთვის, რომ თავიდან ავირიდოთ მუდმივი კონფრონტაციები“ , - აღნიშნა უმაღლესმა კომისარმა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა