აშშ-ის სენატმა დონალდ ტრამპის იმპიჩმენტის პროცესის გაგრძელებას მხარი დაუჭირა

აშშ-ის სენატმა ყოფილი პრეზიდენტის, დონალდ ტრამპის იმპიჩმენტის პროცესი კონსტიტუციურად ცნო და მის გაგრძელებას მხარი დაუჭირა, - ამის შესახებ ინფორმაციას Reuters-ი ავრცელებს.

სააგენტოს ცნობით, იმპიჩმენტის პროცესის გაგრძელების სასარგებლოდ 56-მა სენატორმა მისცა ხმა, მათ შორის 6-მა „რესპუბლიკელმა“, წინააღმდეგი კი - 44 აღმოჩნდა.

დონალდ ტრამპის იმპიჩმენტის პროცესი რამდენიმე საათის წინ დებატებით გაიხსნა იმასთან დაკავშირებით, იძლევა თუ არა აშშ-ის კონსტიტუცია იმის უფლებას, რომ ყოფილი პრეზიდენტის იმპიჩმენტის პროცესი მისი თანამდებობიდან წასვლის შემდეგ გაიმართოს.

იმპიჩმენტის პროცესი კონსტიტუციურად მხოლოდ ექვსმა „რესპუბლიკელმა“ სენატორმა მიიჩნია და შესაბამისად, მის გაგრძელებას დაუჭირა მხარი, რაც ბევრად ნაკლებია 17-ზე, ანუ „რესპუბლიკელი“ სენატორების იმ რაოდენობაზე, რაც საჭიროა იმისთვის, რომ დონალდ ტრამპი ბრალდებულად სცნონ და იმპიჩმენტი გამოუცხადონ.

ყოფილი პრეზიდენტის იმპიჩმენტის პროცესი კონსტიტუციურად შემდეგმა „რესპუბლიკელმა“ სენატორებმა ცნეს: მიტ რომნიმ, ბენ სასემ, ბილ კესიდიმ, ლისა მურკოვსკიმ, პატ ტუმიმ და სუზენ კოლინსმა.

დონალდ ტრამპს ბრალი 6 იანვრის ამბოხის წაქეზებაში ედება, რომლის დროსაც მისი მომხრეები კაპიტოლიუმის შენობაში შეიჭრნენ. 14 იანვარს აშშ-ის კონგრესის წარმომადგენელთა პალატამ პრეზიდენტ დონალდ ტრამპის იმპიჩმენტს მხარი დაუჭირა. ტრამპი პირველი პრეზიდენტი გახდა აშშ-ის ისტორიაში, რომელსაც იმპიჩმენტი ორჯერ გამოუცხადეს.

იხილეთ ვიდეო:აშშ-ის სენატმა დონალდ ტრამპის იმპიჩმენტის პროცესის გაგრძელებას მხარი დაუჭირა

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს