ესპანეთში, გასული დღე-ღამის განმავლობაში, კორონავირუსის 16 402 ახალი შემთხვევა გამოვლინდა და ინფიცირებულთა საერთო რაოდენობამ 3.01 მილიონს მიაღწია, - შესაბამის ინფორმაციას Reuters-ი ქვეყნის ჯანდაცვის სამინისტროზე დაყრდნობით ავრცელებს.
მათივე ინფორმაციით, კოვიდ 19-ს ესპანეთში კიდევ 766 ადამიანის სიცოცხლე ემსხვერპლა და დაღუპულთა რიცხვმა 63 000-ს გადააჭარბა.
ესპანეთში კორონავირუსის საწინააღმდეგო ვაქცინაცია Pfizer-სა და Moderna-ს ვაქცინებით მიმდინარეობს და ამ დრომდე 1.87 მილიონი ადამიანია აცრილი.
ესპანეთის საზოგადოებრივი ჯანდაცვის კომისიამ რამდენიმე დღის წინ განაცხადა, რომ AstraZeneca-ს ვაქცინით, რომელიც ქვეყანაში გასული კვირის პარასკევს 18-დან 55 წლამდე ასაკის პირებში გამოყენებისთვის დაამტკიცეს, პირველ რიგში იმ მოქალაქეებს აცრიან, რომლებიც სამუშაო ადგილზე კოვიდ 19-ით დაინფიცირების მაღალი რისკის ქვეშ იმყოფებიან.
იხილეთ ვიდეო:ესპანეთში კოვიდინფიცირებულთა საერთო რაოდენობამ 3 მილიონს გადააჭარბა