აშშ-ის სურსათისა და წამლის ადმინისტრაციამ ფარმაცევტული კომპანია Eli Lilly-ს კომბინირებული ანტისხეულების თერაპიის კორონავირუსის სამკურნალოდ გადაუდებელი გამოყენების ნებართვა გასცა, - ამის შესახებ ინფორმაციას The Guardian-ი ავრცელებს.

„ეს თერაპია ნებადართულია კოვიდ -19-ის მსუბუქი და საშუალო სიმძიმის ფორმების სამკურნალოდ 12 წლიდან პაციენტებში, რომლებიც კორონავირუსის მძიმე ფორმის განვითარების და / ან ჰოსპიტალიზაციის რისკის ქვეშ იმყოფებიან,“ - აცხადებენ კომპანიაში.

The Guardian-ი წერს, რომ თერაპიაზე ჩატარებული კლინიკური ცდის შედეგების თანახმად, Eli Lilly-ს კომბინირებულმა თერაპიამ, რომელიც ორი პრეპარატის, ბამლანივიმაბი და ეთესევიმაბის კობმინირებულ გამოყენებას გულისხმობს, კოვიდინფიცირებულ პაციენტებში ჰოსპიტალიზაციისა და სიკვდილის რისკი 70% -ით შეამცირა.

იხილეთ ვიდეო:აშშ-ში კოვიდინფიცირებული პაციენტების სამკურნალოდ კომბინირებული ანტისხეულების თერაპიის გამოყენების ნებართვა გასცეს