კახა კალაძის განცხადებით, ტრანსპორტში პირბადის გარეშე ასვლის მცდელობის 524 ფაქტი გამოვლინდა, 3 790 მგზავრს გაფრთხილება მიეცა, ერთ შემთხვევაში პოლიციის გამოძახებაც გახდა საჭირო

დედაქალაქის მერის კახა კალაძის განცხადებით, საზოგადოებრივ ტრანსპორტში პირბადის გარეშე ასვლის მცდელობის 524 ფაქტი გამოვლინდა, 3 790 მგზავრს კი პირბადის ტარებასთან დაკავშირებით გაფრთხილება მიეცა.

როგორც კალაძემ თბილისის მთავრობის სხდომაზე განაცხადა, პირბადის ტარების თაობაზე დაწყებული დაპირისპირების გამო ერთ შემთხვევაში საპატრულო პოლიციის გამოძახებაც გახდა საჭირო.

„524 მგზავრი საზოგადოებრივ ტრანსპორტში პირბადის გარეშე ეცადა ასვლას, რაც ჩვენი თანამშრომლების მხრიდან აღკვეთილი იქნა. 3 790 მგზავრს მიეცა გაფრთხილება პირბადის ტარებასთან დაკავშირებით. მათ ძირითადად ცხვირზე არ ჰქონდათ პირბადე აფარებული. საპატრულო პოლიციის გამოძახება დაგვჭირდა ერთხელ. იყო დაპირისპირება პირბადის არგაკეთების გამო. ერთხელ კი არ დაიძრა ავტობუსი იმის გამო, რომ მგზავრი ამ მოთხოვნებს არ ემორჩილებოდა. მადლობა მინდა გადავუხადო, ვინც ეხმარება ჩვენს თანამშრომლებს. თვითონ მგზავრებიც ამ პროცესში აქტიურად არიან ჩართულები და თვითონ მოითხოვენ პირბადის გაკეთებას იმ ადამიანების მხრიდან, ვინც ცდილობს პირბადის გარეშე ავიდეს საზოგადოებრივ ტრანსპორტში ან მიზანმიმართულად არ იკეთებს პირბადეს. ეს სერიოზულ გაღიზიანებას იწვევს მგზავრებში და როგორც გითხარით იყო კონფლიქტური სიტუაციაც. თუმცა ეს კეთდება იმისთვის, რომ დავიცვათ ერთმანეთი. ჩემი თხოვნა იქნება, მაქსიმალურად იქნეს გათვალისწინებული ეს მოთხოვნები, იმიტომ, რომ ყველაფერი კეთდება, რათა დავიცვათ მოქალაქეები“,- განაცხადა კალაძემ.

იხილეთ ვიდეო:კახა კალაძის განცხადებით, ტრანსპორტში პირბადის გარეშე ასვლის მცდელობის 524 ფაქტი გამოვლინდა, 3 790 მგზავრს გაფრთხილება მიეცა, ერთ შემთხვევაში პოლიციის გამოძახებაც გახდა საჭირო

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან