რუსეთმა ალექსეი ნავალნის თანაგუნდელზე, ლეონიდ ვოლკოვზე საერთაშორისო ძებნა გამოაცხადა, - ინფორმაციას რუსული მედია ავრცელებს.

მათივე ინფორმაციით, 28 იანვარს საგამოძიებო კომიტეტმა ლეონიდ ვოლკოვის წინააღმდეგ უკანონო ქმედებებისკენ არასრულწლოვნების წაქეზებასთან დაკავშირებით სისხლის სამართლის საქმე აღძრა.

გამოძიების მტკიცებით, არსებობს ვიდეომასალა, სადაც ვოლკოვი არასრულწლოვნებს მოუწოდებს, არასანქცირებულ აქციაში მიიღონ მონაწილეობა.

ვოლკოვმა ქვეყანა 2019 წლის ზაფხულში დატოვა და ამჟამად რუსეთში არ იმყოფება.