ირაკლი ქადაგიშვილი ნიკა მელიაზე - ადამიანი, რომელსაც პრეტენზია აქვს პოლიტიკოსობაზე, ამბობს, რომ არ ვემორჩილები კანონს, არ მაინტერესებს საქართველო და მისი კანონი

ადამიანი, რომელსაც პრეტენზია აქვს პოლიტიკოსობაზე, ამბობს, რომ არ ვემორჩილები კანონს, არ მაინტერესებს საქართველო და მისი კანონი, - ამის შესახებ საპროცედურო საკითხთა კომიტეტის თავმჯდომარემ, ირაკლი ქადაგიშვილმა ჟურნალისტებს განუცხადა, როდესაც ისაუბრა ნიკა მელიას მხრიდან კანონის აღსრულების ვალდებულებაზე, რაც გირაოს გადახდას ეხება.

მისი თქმით, სასამართლომ მიიღო გადაწყვეტილება და ნიკა მელიას აღკვეთის ღონისძიება შეუმსუბუქა, რაც სხვადასხვა ფორმით იყო გამოხატული.

“ჯერ გირაო დაეკისრა და შემდეგ სამაჯურის გაკეთება დაევალა, მერე მან სამაჯური საჯაროდ მოიხსნა. ამის შემდეგ პროკურატურამ უკიდურეს ზომას მაინც არ მიმართა, საგამოძიებო საპროცესო კოდექსით არსებული ნორმა გამოიყენა და კვლავ გირაო შეუფარდა. ადამიანი, რომელსაც პრეტენზია აქვს პოლიტიკოსობაზე, რომელიც სახელმწიფო მმართველობის სისტემაში იყო, მათ შორის, სასამართლო გადაწყვეტილებების აღმასრულებელი იყო, ამბობს, რომ არ ვემორჩილები კანონს, არ მაინტერესებს საქართველო და მისი კანონი, მისი სახელმწიფოებრიობაო, ეს უკვე მისი პასუხისმგებლობაა და არა იმ მოქალაქის, რომელიც ვალდებულია დაემორჩილოს კანონს", - განაცხადა ქადაგიშვილმა.

მისი თქმით, არც პოლიტიკოსობა, არც თანამდებობა და არც ჟურნალისტობა არ არის იმუნიტეტი საერთო მოქალაქეობრივი ვალდებულებებისგან.

ქადაგიშვილის განმარტებით, მოუწევს თუ არა მელიას სადეპუტატო იმუნიტეტის ხელმეორედ შეჩერება, ამ საკითხის განხილვა პარლამენტში მას შემდეგ მოხდება, თუ საკანონმდებლო ორგანოს პროკურატურა მიმართავს.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი