გერმანია კორონავირუსის გამო დაწესებული შეზღუდვების 14 მარტამდე გახანგრძლივებას გეგმავს

გერმანია კორონავირუსის გავრცელების შეჩერების მიზნით დაწესებული შეზღუდვების 14 მარტამდე გახანგრძლივებას გეგმავს,- მედიის ინფორმაციით, ამის შესახებ კანცლერ ანგელა მერკელსა და 16 ფედერალური მიწის ლიდერებს შორის დღეს დაგეგმილი მოლაპარაკებების პროექტშია აღნიშნული.

Reuers-ი წერს, რომ ბოლო პერიოდში გერმანიაში ინფიცირების ყოველდღიური მაჩვენებელი კლებულობს, თუმცა ქვეყანაში ვირუსის უფრო გადამდები ვარიანტების გავრცელებასთან დაკავშირებით შეშფოთება არსებობს.

„ძალიან მყიფე სიტუაცია გვაქვს. სხვა ქვეყნების, მაგალითად, პორტუგალიის მაგალითზე, ვხედავთ რამდენად სწრაფად შეიძლება შეიცვალოს სიტუაცია“,- განაცხადა ბადენ-ვიურტემბერგის პრემიერმა უინფრიდ კრეშმანმა Spiegel Online-თან ინტერვიუში.

გერმანიაში, გასული დღე-ღამის განმავლობაში კორონავირუსის 8 072 ახალი შემთხვევა დადასტურდა და ინფიცირებულთა საერთო რაოდენობა 2 299 996-მდე გაიზარდა, ამასთან, ვირუსს კიდევ 813 ადამიანის სიცოცხლე ემსხვერპლა და დაღუპულთა რიცხვმა 62 969-ს მიაღწია.

შეგახსენებთ, გერმანიაში კარანტინის რეჟიმი 14 თებერვლამდე მოქმედებს. ქვეყანაში სკოლები, ბაღები, სილამაზის სალონები, მუზეუმები და თეატრები დახურულია, მაღაზიებსა და საზოგადოებრივ ტრანსპორტში კი პირბადის ტარება სავალდებულოა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს