გერმანიის საგარეო საქმეთა მინისტრის, ჰეიკო მაასის განცხადებით, რუსეთის წინააღმდეგ შემდგომი სანქციები სწორად უნდა იყოს მიმართული კონკრეტული ადამიანების წინააღმდეგ.
"სასწორზე დევს საერთაშორისო სამართლის ფუნდამენტური პრინციპების დაცვა. საქმე ეხება ადამიანის უფლებებს და ასევე ჩვენს ღირებულებებს. ამიტომ ჩვენ ვაგრძელებთ მოსკოვისგან მოთხოვნას დაუყოვნებლივ გაათავისუფლონ ალექსეი ნავალნი და დაკავებული მომიტინგეები. სანქციები მიმართული უნდა იყოს სწორად, მათ წინააღმდეგ, ვინც პასუხისმგებელია საკუთარი მოქალაქეების წინააღმდეგ რეპრესიულ ქმედებებზე“, - განაცხადა მინისტრმა.
როგორც მან გერმანელ კანონმდებლებს განუცხადა, ამ კონტექსტში, გაზსადენ „ჩრდილოეთის ნაკადი 2“-ის შეჩერება ჩინეთს რუსეთთან დაახლოებს.
”აბსოლუტურად გასაგები უნდა იყოს, თუ სად მიგვიყვანს ეს გეოსტრატეგიული თვალსაზრისით. ეს უფრო და უფრო დააახლოებს რუსეთსა და ჩინეთს და შექმნის უდიდეს ეკონომიკურ-სამხედრო ალიანსს. მე არ ვფიქრობ, რომ ეს უნდა იყოს დასავლეთის სტრატეგია ამ დავაში. ამიტომ მე წინააღმდეგი ვარ ამ კონტექსტში რუსეთთან ყველა ხიდის გადაჭრის”, - აღნიშნა მაასმა.