გერმანიაში კარანტინის რეჟიმი 7 მარტამდე გახანგრძლივდა

გერმანიაში კორონავირუსის გამო დაწესებული კარანტინის რეჟიმი 7 მარტამდე გახანგრძლივდა.

მედიის ინფორმაციით, აღნიშნული გადაწყვეტილება გუშინ კანცლერ ანგელა მერკელსა და 16-ვე ფედერალური მიწის პრემიერებს შორის გამართული შეხვედრის დროს მიიღეს.

შენარჩუნებული „ლოქდაუნის“ ფარგლებში დაკეტილი რჩება ბარები, რესტორნები და მაღაზიების უმეტესობა, მაღაზიებსა და საზოგადოებრივ ტრანსპორტში პირბადის გამოყენება სავალდებულოა, კერძო სახლებში მხოლოდ ერთი სტუმრის მიღებაა შესაძლებელი. ამასთან, 15 მარტამდე, დამსაქმებლებმა თანამშრომლებს სახლიდან მუშაობის ნება უნდა დართონ, რამდენადაც ეს შესაძლებელი იქნება.

აღსანიშნავია, რომ საპარიკმახეროებს 1-ელი მარტიდან, მკაცრი ჰიგიენური ნორმების დაცვით, გახსნის საშუალება მიეცემათ.

რაც შეეხება სკოლებს, შეხვედრაზე შეთანხმდნენ, რომ სკოლები და დღის ცენტრები უნდა იყოს "პირველი, რომელიც თანდათან გაიხსნება“, მაგრამ ფედერალურმა მიწებმა ინდივიდუალურად უნდა გადაწყვიტონ, როგორ და როდის გახსნის მას.

შეგახსენებთ, „ლოქდაუნი“ გერმანიაში ნოემბერში გამოცხადდა, შობის პერიოდში კი ზომები უფრო გამკაცრდა. კარანტინის რეჟიმის ვადა 15 თებერვალს იწურებოდა. მიუხედავად იმისა, რომ ქვეყანაში, ბოლო პერიოდში კორონავირუსით ინფიცირების შემთხვევებმა იკლო, ხელისუფლებაში შიშობენ, რომ ვირუსის ახალმა ვარიანტებმა, შესაძლოა, სიტუაცია შეცვალოს.

იხილეთ ვიდეო: გერმანიაში კარანტინის რეჟიმი 7 მარტამდე გახანგრძლივდა

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი