ჯო ბაიდენი მიანმარელ გენერლებს სანქციებს უწესებს

აშშ-ის პრეზიდენტმა ჯო ბაიდენმა განაცხადა, რომ დაამტკიცა აღმასრულებელი ბრძანება ახალი სანქციების დაწესების შესახებ იმ პირების წინააღმდეგ, რომლებიც მიანმარში მომხდარ სამხედრო გადატრიალებაზე არიან პასუხისმგებლები.

ბაიდენის თქმით, ამ ბრძანებით მის ადმინისტრაციას საშუალება მიეცა, „სამხედრო ლიდერებს, რომლებიც გადატრიალებას ხელმძღვანელობდნენ, მათ ბიზნეს ინტერესებსა და ოჯახის წევრებს დაუყოვნებლივ დააკისრონ სანქციები ".

აშშ-ის პრეზიდენტის განმარტებით, ვაშინგტონი მიმდინარე კვირის განმავლობაში განსაზღვრავს იმ პირების პირველ წრეს, რომლებსაც სანქციები შეეხებათ, იმისთვის, რომ მიანმარის გენერლებს შეეზღუდოთ წვდომა 1 მილიარდი აშშ დოლარის მოცულობის ფონდზე, რომელიც აშშ-ში ინახება.

„ასევე დავაწესებთ მკაცრ საექსპორტო კონტროლს. გავყინავთ აქტივებს, რომელსაც სარგებელი მოაქვს მიანმარის მთავრობისთვის, თუმცა განვაგრძობთ ჯანდაცვის სფეროს, სამოქალაქო საზოგადოებისა და სხვა სფეროების მხარდაჭერას, რომელიც უშუალოდ ბურნელ ხალხს ეხება. მზად ვართ, დამატებითი ზომები მივიღოთ და გავაგრძელებთ მუშაობას ჩვენს საერთაშორისო პარტნიორებთან, რათა მოვუწოდო მათ, რომ შემოგვიერთდნენ“, - აღნიშნა ჯო ბაიდენმა.

მან მიანმარელ სამხედროებს მოუწოდა, დაუყოვნებლივ გაათავისუფლონ დემოკრატიული პოლიტიკური ლიდერები და აქტივისტები.

შეგახსენებთ, მიანმარში რამდენიმე დღეა საპროტესტო აქციები მიმდინარეობს. მოქალაქეები 1-ელ თებერვალს მომხდარ სამხედრო გადატრიალებას აპროტესტებენ, როდესაც არმიამ, რომელიც გასული წლის ნოემბერში ჩატარებული არჩევნების შედეგებს არ აღიარებს, ქვეყნის არჩეული ლიდერი აუ სან სუ ჩი დააკავა და ერთწლიანი საგანგებო მდგომარეობა გამოაცხადა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა