Reuters - ათობით ყოფილი „რესპუბლიკელი“ ჩინოვნიკი მესამე პარტიის შექმნასთან დაკავშირებით მოლაპარაკებებს აწარმოებს

ათობით ყოფილი რესპუბლიკელი ჩინოვნიკი, რომელიც თვლის, რომ პარტიას არ სურს წინ აღუდგეს ყოფილ პრეზიდენტს დონალდ ტრამპს და მის მცდელობებს ძირი გამოუთხაროს აშშ-ის დემოკრატიას, მემარჯვენე ცენტრისტული პარტიის შექმნის ჩამოყალიბების საკითხს განიხილავს, - ამის შესახებ ინფორმაციას Reuters-ი ავრცელებს.

სააგენტოს ინფორმაციით, დისკუსიებში ყოფილი არჩეული „რესპუბლიკელები“, რონალდ რეიგანის, ჯორჯ ჰ. უ.ბუშის, ჯორჯ უ. ბუშისა და დონალდ ტრამპის ადმინისტრაციების ყოფილი ჩინოვნიკები, ყოფილი „რესპუბლიკელი“ ელჩები და „რესპუბლიკელი“ სტრატეგები მონაწილეობენ.

გავრცელებული ინფორმაციით, გასული კვირის პარასკევს 120-ზე მეტმა მათგანმა Zoom-ში შეხვედრა გამართა. მონაწილეებს შორის იყვნენ ტრამპის მმართველობის პერიოდის ეროვნული უსაფრთხოების დეპარტამენტის გენერალური კონსულტანტი ჯონ მიტნიკი; ყოფილი „რესპუბლიკელი“ კონგრესმენი ჩარლი დენტი და ტრამპის მმართველობის პერიოდის ეროვნული უსაფრთხოების დეპარტამენტის აპარატის უფროსის მოადგილე ელიზაბეტ ნეიმანი.

საკითხზე კომენტირებისას დონალდ ტრამპის პრესსპიკერმა ჯეისონ მილერმა განაცხადა, რომ ”ამ დამარცხებულმა ადამიანებმა რესპუბლიკური პარტია დატოვეს მაშინ, როდესაც ჯო ბაიდენს მისცეს ხმა”.

შეგახსენებთ, აშშ-ის სენატში დონალდ ტრამპის იმპიჩმენტთან დაკავშირებული პროცესი მიმდინარეობს. ტრამპს იმპიჩმენტი აშშ-ის წარმომადგენელთა პალატამ 13 იანვარს გამოუცხადა და ის პირველი პრეზიდენტი გახდა აშშ-ის ისტორიაში, რომელსაც იმპიჩმენტი ორჯერ გამოუცხადეს. ყოფილ პრეზიდენტს 6 იანვარს კაპიტოლიუმის შენობაში მისი მხარდამჭერების შეჭრის ინციდენტთან დაკავშირებით ამბოხის წაქეზებაში ადანაშაულებენ.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს