ლევან დავითაშვილი კავკასიის გარემოსდაცვითი არასამთავრობო ორგანიზაციების ქსელის პროექტის „ეს წალკაა“ მრჩეველთა საბჭოს შეხვედრას დაესწრო

გარემოს დაცვისა და სოფლის მეურნეობის მინისტრი, ლევან დავითაშვილი კავკასიის გარემოსდაცვითი არასამთავრობო ორგანიზაციების ქსელის (CENN) პროექტის „ეს წალკაა“ მრჩეველთა საბჭოს მე-2 შეხვედრას დაესწრო,- ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათივე ცნობით, ევროკავშირის სოფლისა და სოფლის მეურნეობის განვითარების ევროპის სამეზობლო პროგრამის (ENPARD) მიერ მხარდაჭერილი პროექტის „ეს წალკაა“ მიზანი წალკის მუნიციპალიტეტის მოსახლეობის სოციალური ინტეგრაციის გაუმჯობესება, სოციალურ სერვისებზე ხელმისაწვდომობის უზრუნველყოფა და ახალი ეკონომიკური შესაძლებლობების შექმნაა.

„წალკა ძალიან დიდი პოტენციალის მქონე მუნიციპალიტეტია, სადაც სოფლის მეურნეობა არის წამყვანი მიმართულება და ადგილობრივი ინიციატივები, რომლებიც სოფლის მეურნეობის უკეთ წარმართვის საშუალებას იძლევა, ბუნებრივია, მხარდაჭერილი იქნება. ევროკავშირის თანადგომით, სახელმწიფოს დღის წესრიგში აქვს, რეგიონებში ადგილობრივი ინიციატივების მეტად წახალისება მოხდეს ”, - განაცხადა ლევან დავითაშვილმა.

როგორც CENN-ის აღმასრულებელმა დირექტორმა, ნანა ჯანაშიამ აღნიშნა, ცოდნაზე, ინოვაციებსა და ახალ ტექნოლოგიებზე ხელმისაწვდომობის უზრუნველყოფით, ბიზნეს კავშირების დამყარებითა და სამუშაო ადგილების შექმნის გზით, პროექტი გააძლიერებს საოჯახო მეურნეობებს, მეწარმეებს, ქალებს, ახალგაზრდებსა და სხვა ადგილობრივ დაინტერესებულ მხარეებს.

მათივე ინფორმაციით, პროექტს ახორციელებს CENN პარტნიორ ორგანიზაციებთან, საქართველოს ფერმერთა ასოციაციასთან (GFA) და სოფლის განვითარების კვლევით ინსტიტუტთან (Ifls) ერთად. ონლაინ შეხვედრას წალკის მუნიციპალიტეტის მერი, ილია საბაძე, პროგრამის ოფიცერი, ჟორჟ დეუ, გაეროს განვითარების პროგრამის (UNDP), გაეროს სურსათისა და სოფლის მეურნეობის ორგანიზაციის (FAO), სოფლის მეურნეობის განვითარების საერთაშორისო ფონდისა (IFAD) და წალკის ადგილობრივი განვითარების ჯგუფის (LAG) წარმომადგენლები ესწრებოდნენ.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა