ხათუნა გოგორიშვილი - არავინ არსად წასვლას არ აპირებს, პარტიაში ახალი თანამდებობები იქნება თუ არა, რამდენიმე დღეში გვექნება პოლიტსაბჭო და ყველასთვის გახდება ცნობილი

ჩემი ინფორმაციით, არავინ არსად წასვლას არ აპირებს, - ამის შესახებ "ევროპული საქართველოს" ერთ-ერთმა ლიდერმა ხათუნა გოგორიშვილმა ჟურნალისტებთან საუბრისას განაცხადა, რითაც გამოეხმაურა გავრცელებულ ინფორმაციას, რომ პარტიას რამდენიმე წევრი ტოვებს.

მისივე თქმით, რამდენიმე დღეში პარტიის პოლიტსაბჭოს შეხვედრა გაიმართება, სადაც საპარლამენტო არჩევნების შედეგების მიხედვით, გადაწყდება ვინ დარჩება პოლიტსაბჭოში და ვინ არა.

"მინდა გითხრათ, რომ ნამდვილად განსაკუთრებული არაფერი არ ხდება. "ევროპული საქართველოს" წესდების მიხედვით, ვალდებულება გვაქვს საპარლამენტო არჩევნების შემდეგ გადავხედოთ, როგორც სტრუქტურულ წყობას ასევე, პოლიტიკური საბჭოს შემადგენლობას. საპარლამენტო არჩევნების შედეგებიდან გამომდინარე მოხდება გადახედვა ვინ იქნება პოლიტსაბჭოში და ვინ არ იქნება, ოღონდ ეს არ არის პერსონებთან დაკავშირებული. ეს დაკავშირებულია იმ შედეგებთან, რაც დაიდო ამა თუ იმ რაიონში და აქედან გამომდინარე, იქნება მიღებული გადაწყვეტილებები ამ რაიონული ორგანიზაციების თავმჯდომარეებთან. ასე იყო ადრეც.

ჩვენ მოგეხსენებათ, რომ ყოველთვის წესებს ვადგენთ ნებისმიერი არჩევნების დროს და როგორც ადგილობრივი თვითმმართველობის არჩევნებზე ასევე საპარლამენტო არჩევნევზე დავდეთ კონკრეტული წესი. "ევროპული საქართველო" არის პარტია, რომელიც თავის წესდებას სცემს პირველ რიგში პატივს და ამომრჩეველს სცემს პატივს, იმიტომ, რომ როდესაც ორგანიზაციას აქვს ნდობა მის მიმართ დამოკიდებულება სხვანაირი უნდა იყოს, როცა ნაკლები ნდობა აქვს -სხვანაირი. რაც შეეხება კონკრეტული პერსონების და ლიდერების საკითხს მინდა გითხრათ, რომ ჩემი ინფორმაციით, არავინ არსად წასვლას არ აპირებს. მე ველაპარაკე მათ. კონკრეტულად რა და როგორ, რა ახალი თანამდებობები იქნება ან არ იქნება, რამდენიმე დღეში გვექნება პოლიტსაბჭო და ყველასთვის გახდება ცნობილი", - განაცხადა ხათუნა გოგორიშვილმა.

იხილეთ ვიდეო: არავინ არსად წასვლას არ აპირებს

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი წარმატების წერტილი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი