ანგელა მერკელი - „ლოქდაუნი“ საჭიროზე ერთი დღით მეტიც არ გაგრძელდება

გერმანიის კანცლერი ანგელა მერკელი აცხადებს, რომ ესმის, რამდენად რთულია „ლოქდაუნი“ ხალხისთვის, თუმცა, ქვეყანა კორონავირუსის ახალი ვარიანტების გავრცელების შესაჩერებლად უნდა მოემზადოს.

„გერმანიას ახლა საქმე აქვს სამ აგრესიული მუტაციასთან, ქვეყანა უნდა მოემზადოს იმისთვის, რომ, შესაძლოა, ახალი ვარიანტები დომინანტური გახდეს და მუტაციებმა ვაქცინის წარმატება გაანადგურონ,“- განაცხადა მერკელმა ბუნდესტაგის დეპუტატებთან საუბრისას.

მისივე თქმით, შეზღუდვები მხოლოდ იმდენ ხანს გაგრძელდება, რამდენხანსაც საჭირო იქნება.

„ჩვენზე, როგორც დემოკრატიულ სახელმწიფოზე, არის დამოკიდებული ის, რომ შევინარჩუნოთ ეს შეზღუდვები მხოლოდ იმდენხანს, რამდენხანსაც საჭიროა - არც ერთი დღით მეტხანს - და მოვხსნათ ისინი, როგორც კი შესაძლებელი იქნება,“- განაცხადა კანცლერმა.

მისივე თქმით, მიუხედავად იმისა, რომ გერმანიამ კარგად გაართვა თავი კორონავირუსის პირველ ტალღას, მეორე ტალღის შეჩერება ძალიან ნელა მოხდა, თუმცა კანცლერმა იმედი გამოთქვა, რომ პანდემიას წარმატებით დაამარცხებენ.

„ბოლოს ჩვენ ერთად შევძლებთ ამ პანდემიის დამარცხებას და უკეთესი დღეები გვექნება,“- აღნიშნა მერკელმა.

შეგახსენებთ, გერმანიაში კორონავირუსის გამო დაწესებული კარანტინის რეჟიმი 7 მარტამდე გახანგრძლივდა. აღნიშნული გადაწყვეტილება ანგელა მერკელსა და 16 ფედერალური მიწის პრემიერებს შორის გუშინ გამართული შეხვედრის დროს მიიღეს.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს