თურქეთის პრეზიდენტმა რეჯეფ თაიფ ერდოღანმა კორონავირუსის საწინააღმდეგო ვაქცინის მეორე დოზა გაიკეთა, - ინფორმაციას თურქული სააგენტო „ანადოლუ“ ავრცელებს.
ერდოღანმა ჩინური ფარმაცევტული კომპანია Sinovac-ის მიერ შექმნილი ვაქცინის, CoronaVac-ის, პირველი დოზა პირდაპირ ეთერში 14 იანვარს გაიკეთა.
თურქეთში კორონავირუსის წინააღდეგ მოსახლეობის ვაქცინაციის პროგრამა 14 იანვარს დაიწყო. ბოლო მონაცემებით, ამ დროისთვის 2.6 მილიონზე მეტი ადამიანია აცრილი.