ისრაელმა კორონავირუსის გამო დაწესებული შეზღუდვების ნაწილი შეამსუბუქა. ასევე იხსნება საბავშვო ბაღებისა და დაწყებითი სკოლების ნაწილი იმ ქალაქებსა და დასახლებებში, სადაც კორონავირუსით ინფიცირების შემთხვევები შედარებით ნაკლებია ან 50 წელს ზემოთ ადამიანების მინიმუმ 70% ვაქცინირებულია.

იმ რაიონებში, სადაც სკოლები დახურული რჩება, ხელისუფლებამ ღია სივრცეებში 10 - კაციანი საგანმანათლებლო აქტივობები დაუშვა.

დეკემბრის შემდეგ ისრაელში მესამე „ლოქდაუნია“ გამოცხადებული. ქვეყანაში ვაქცინაციის სწრაფმა ტემპებმა ეპიდვითარება შეამსუბუქა.