მაშველებმა ვლადიკავკაზის სუპერმარკეტის ნანგრევებიდან დაცვის სამსახურის თანამშრომელი ცოცხალი ამოიყვანეს, - ამის შესახებ ინფორმაციას რუსული მედია ავრცელებს.

მათივე ინფორმაციით, ახალგაზრდა მამაკაცის თქმით, ის თავს კარგად გრძნობს.

შეგახსენებთ, ვლადიკავკაზში მდებარე ერთ-ერთ სუპერმარკეტში დღეს დილით ძლიერი აფეთქება მოხდა. წინასწარი მონაცემებით, ინციდენტის მიზეზი ბუნებრივი აირის გაჟონვა გახდა. აფეთქების დროს სუპერმარკეტი დაკეტილი იყო და მასში მხოლოდ დაცვის სამსახურის ერთი თანამშრომელი იმყოფებოდა. არსებული ინფორმაციით, არავინ დაშავებულა.

რუსეთის საგამოძიებო სამსახურმა ინციდენტთან დაკავშირებით წინასწარი გამოძიება დაიწყო.